Գլխավոր մարզչի խոսքը
ԽՍՀՄ ժողովրդական արտիստ Մհեր Մկրտչյանի անվան Գյումրիի մարզամշակութային կենտրոնում հուլիսին 15 – օրյա ուսումնամարզական հավաք անցկացրեց Հայաստանի հրաձգության հավաքականը։ Հրացանակիր և ատրճանակավար 15 մարզիկ – մարզուհիներ իրենց ընդհանուր մարզավիճակն էին բարելավում << վազող թիրախ >> մրցաձևում։
Միջազգային կարգի սպորտի վարպետ, վաստակավոր մարզիչ Սեյրան Նիկողոսյանն ասաց, որ նշանառուների դիպուկության և վարպետության աստիճանը կորոշվի սեպտեմբերի 25 -27 –ը կայանալիք Հայաստանի առաջնությունում։ Առաջատարներով կհամալրվի երկրի գլխավոր թիմը, որը Վիննիցայում կմասնակցի հոկտեմբերի 17 –ին մեկնարկելիք Ուկրաինայի բաց առաջնությանը։ Մեր երկրից կրակագիծ կելնեն 10 մարզիկ – մարզուհիներ։
Մարզաձևի մասսայականացման վերաբերյալ հարցին, Ս․Նիկողոսյանն ասաց, որ ԿԳՄՍ մասնագիտական մարզադպրոցի պատանեկան խմբերը համալրված էին խոստումնալից բազմաթիվ տղաներով և աղջիկներով։ Բայց կորոնավիրուսի հրամայականով հայտարարված կարանտինի հետևանքով նորեկները հիասթափվեցին ու դադարեցին մարզվել։ Հիմա, երբ արդեն վերսկսվել են պարապմունքները / իհարկե պահպանվում է մարզիկների միջև անհրաժեշտ ֆիզիկական տարածությունը / հեռացածները կրկին վերադառնում, համալրում են մարզախմբերը։ Բայց այդքանը բավարար չէ երկրում հրաձգության մասսայականությունը ապահովելու համար։ Անժխտելի է, որ քանակն է ապահվում որակը։ Ասել կուզենք, որ մեր երկրի բոլոր մարզերի ղեկավարները իրավիճակից ելնելով պետք է գնահատեն և անհրաժեշտ ուշադրություն դարձնեն մեր մարզաձևին։ Սա չի նշանակում, թե ամենուրեք գերժամանակակից մարզահամալիրներ պետք է կառուցվեն ։ Բայց որ մեզանում առկա են բազմաթիվ շինություններ, որոնցում կարելի է աննշան ծախսերով ստեղծել պարզ տիպի հրաձգարաններ, ձեռք բերել էժանագին զենքեր ու փամփուշտներ՝ անժխտելի է։ Բոլորս ենք պարտավոր ապագա զինակոչիկներին, երկսեռ դպրոցականներին ուսուցանել, կրակել սովորեցնել, դարձնել նշանառու։ Ավելին այտեղ։
